യുഎഇയില് ഇറാന് നടത്തിയ മിസൈലാക്രമണത്തില് മൂന്ന് ഇന്ത്യക്കാര്ക്ക് പരിക്ക്. ഫുജൈറ പെട്രോളിയം ഇന്ഡസ്ട്രീസ് സോണിലാണ് ഇറാന്റെ ആക്രമണമുണ്ടായത്. ഡ്രോണ്— മിസൈല് ആക്രമണത്തില് ഓയില് ഇന്ഡസ്ട്രി സോണില് തീപിടിത്തം ഉണ്ടായതായും അധികൃതര് അറിയിച്ചു. പരിക്കേറ്റ ഇന്ത്യന് പൗരന്മാരെ ആശുപത്രിയില് പ്രവേശിപ്പിച്ചിരിക്കുകയാണ്.
പിന്നാലെ ഇന്ത്യന് വിദേശകാര്യ മന്ത്രാലയം കടുത്ത ആശങ്ക രേഖപ്പെടുത്തുകയും ആക്രമണത്തെ ശക്തമായി അപലപിക്കുകയും ചെയ്തു. വിദേശത്തുള്ള ഇന്ത്യന് പൗരന്മാരുടെ സുരക്ഷ പ്രധാനമാണെന്നും, ഉടന് യുദ്ധപ്രവര്ത്തനങ്ങള് അവസാനിപ്പിക്കണമെന്നും ആവശ്യപ്പെട്ട് വിദേശകാര്യ മന്ത്രാലയത്തിന്റെ ഔദ്യോഗിക വക്താവ് രണ്ധീര് ജയ്സ്വാള് എക്സില് പോസ്റ്റ് പങ്കുവച്ചു. യുഎസ് — ഇറാന് സംഘര്ഷത്തിനിടെ ഉണ്ടായിരുന്ന താത്കാലിക വെടിനിര്ത്തല് തുടരുന്നതിനിടെയാണ് ഇറാനില് നിന്ന് ആക്രമണം യുഎഇ നേരിടേണ്ടിവന്നത്. സംഭവത്തില് ഇറാന് ആക്രമണങ്ങളെ പൂര്ണ്ണമായും സ്ഥിരീകരിക്കുകയോ നിഷേധിക്കുകയോ ചെയ്തിട്ടില്ല.
Comments (0)
No comments yet. Be the first to share your thoughts.
Leave a Comment