ഇടുക്കി നെടുങ്കണ്ടം പച്ചടിയില് വീട്ടുവളപ്പില് നിന്നും മൃതദേഹങ്ങള് കണ്ടെത്തിയ സംഭവത്തില്, പ്രതിയെന്ന് സംശയിക്കുന്ന സജി പൊലീസ് പിടിയില്. പിടികൂടിയത് വീടിന് സമീപത്തെ പറമ്പില് നിന്ന്. സജി സംസ്ഥാനം വിട്ടിരിക്കാനുള്ള സാധ്യത കണക്കിലെടുത്ത് അന്വേഷണം തമിഴ്നാട്ടിലേക്കും വ്യാപിപ്പിച്ചിരുന്നു. അതിര്ത്തി ചെക്പോസ്റ്റുകളില് ജാഗ്രതാ നിര്ദേശം നല്കിയിരുന്നു, തമിഴ്നാട് പൊലീസിന് സജിയുടെ ചിത്രം അടക്കമുള്ള വിവരങ്ങള് കൈമാറിയിരുന്നു പച്ചടി പൊന്നുട്ടയില് മേരിക്കുട്ടി (70), റെജി (48) എന്നിവരെ ഈ മാസം രണ്ട് മുതല് കാണാതായിരുന്നു. വീട്ടുവളപ്പില് നിന്നും കണ്ടെടുത്തത് ഇവരുടെ മൃതദേഹങ്ങളാണ് എന്നാണ് സംശയിക്കുന്നത്.
മൃതദേഹം അഴുകിയ നിലയിലാണ്. ഡിഎന്എ, ശാസ്ത്രീയ പരിശോധനകള് അടക്കം നടത്തി മൃതദേഹങ്ങള് ഇവരുടേതാണെന്ന് സ്ഥിരീകരിക്കേണ്ടതുണ്ടെന്ന് എസ്പി പറഞ്ഞു. എന്നാണ് കൊലപാതകം നടത്തിയതെന്നത് അടക്കമുള്ള കാര്യങ്ങള് കൂടുതല് അന്വേഷണത്തിലൂടെ മാത്രമേ വ്യക്തമാകൂ.ഈ മാസം 5-ാം തീയതിയും ആറാം തീയതിയും മേരിക്കുട്ടിയെയും റെജിയേയും കണ്ടതായി പറയുന്നുണ്ട്.
തെരഞ്ഞെടുപ്പ് പ്രചാരണത്തിന്റെ ഭാഗമായി വീട്ടിലെത്തിയവര് ഇവരെ കണ്ടതായാണ് വിവരം. അതിനുശേഷമാകാം കുറ്റകൃത്യം നടത്തിയിട്ടുണ്ടാകുകയെന്നും എസ്പി സൂചിപ്പിച്ചു. ഞായറാഴ്ച വൈകീട്ട് സമീപത്തുള്ള പൊലീസ് ഉദ്യോഗസ്ഥന് സജിയുടെ വീട്ടിലെത്തി സംസാരിച്ചെങ്കിലും പരസ്പര വിരുദ്ധമായ കാര്യങ്ങളാണ് പറഞ്ഞത്. ഇതില് സംശയം തോന്നിയ ഉദ്യോഗസ്ഥന് നെടുങ്കണ്ടം സ്റ്റേഷനില് വിവരം അറിയിച്ചു. പൊലീസ് സംശയിക്കുന്നു എന്നു മനസ്സിലാക്കിയ സജി പൊടുന്നനെ വീട്ടില് നിന്നും മുങ്ങുകയായിരുന്നു. ഇയാള് നെടുങ്കണ്ടത്തു നിന്നും ബസ് കയറി പോകുന്നത് കണ്ടതായി പൊലീസിന് വിവരം ലഭിച്ചിരുന്നു
Comments (0)
No comments yet. Be the first to share your thoughts.
Leave a Comment